कृष्ण जन्माष्टमीमा सुनको भाउ घट्यो, उपभोक्ताहरु उत्सुक ::

काठमाडौं, ९ भदौ - सुन भाउ बिहीबार ४ सय रुपैयाँले घटेको छ। बुधबार तोलामा ५९ हजार १ सय रुपैयाँमा कारोबार भएको सुनको भाउ ५८ हजार ७ सय रुपैयाँमा झरेको हो।
चाँदीको भाउ पनि तोलामा १० रुपैयाँले घटेको छ। चाँदी तोलाको ८ सय ५० रुपैयाँमा किनबेच भइरहेको छ। अन्तर्राष्ट्रिय बजारमा सुनचाँदीको भाउ सस्तिएकाले नेपालमा पनि घटेको नेपाल सुनचाँदी व्यवसायी महासंघले जनाएको छ।
तीज नजिकिएकाले सुनको माग बढ्न थालेको व्यवसायीले बताएका छन्।