इन्धनको अभावमा नारायणगढ–मुग्लिन सडकखण्ड विस्तारमा ढिलाइ

चितवन– नाकाबन्दी खुलेपनि इन्धन आपूर्ति सहज हुन नसक्दा सवारी रोकेर काम थालेको नारायणगढ–मुग्लिन सडकखण्ड फराकिलो बनाउने कार्य लक्ष्य अनुरुप हुनसकेको छैन ।

हरेक दिन दिउँसो चारघण्टा यातायात आवागमन बन्द गरेर काम अगाडि बढाइएको छ । बिहान ११ बजेदेखि दिउँसो ३ बजेसम्म यातायात आवागमन बन्द गरेर काम गरिँदै आएको छ । नारायणगढ–मुग्लिन सडक आयोजनाका इन्जिनियर शिव खनालकाअनुसार काम तीव्रगतिमा गर्न दैनिक चार हजार ५०० लिटर डिजेल आवश्यक पर्दछ ।

हाल दैनिक एक हजार ५०० लिटरको हाराहारीमा मात्रै ठेकेदारले डिजेल उपलब्ध भइरहेको उनको भनाइ छ । स्थानीय प्रशासनको सिफारिसमा नेपाल आयल निगमको अमलेखगञ्ज डिपोबाट डिजेल ल्याएको भए पनि आवश्यकताको ३३ प्रतिशत मात्रै आपूर्ति भएको छ । “ठूला उपकरण पूर्णरुपमा सञ्चालन हुन नसक्दा सोचेजति काम हुन सकेको छैन” उहाँले भन्नुभयो ।

- See more at: http://www.ratopati.com/news/36492/#sthash.0N8W7yg7.dpuf