बोक्सीको आरोपमा आमालाई कुटपिट गरेको बेला रोक्न गएका ११ वर्षीय छोरा पनि कुटिए !

भदौ ५, सिरहाको लक्ष्मीपुर १ की एक महिलालाई स्थानीय बासिन्दाले बोक्सीको आरोपमा मरणासन्न हुनेगरी कुटपिट गरेका छन् ।
कुटार्इबाट सख्त घाइते भएकी ३० वर्षकी रामदुलारी यादवको विराटनगरस्थित न्यूरो अस्पतालमा उपचार भइरहेको जनाइएको छ ।
यादवका ससुरा गढ्वाले बोक्सीको आरोपमा स्थानीय बेचन महतो, रमविन्द्र महतो, सुलेन महतो, सुर्जा महतो, किसुनदेव महताले कुटपिट गरेको जानकारी दिएका छन् ।
उनले घरमा कोही नभएको बेलामा उनीहरु आएर आफ्नो बुहारीलाई कुटपीट गरेको बताएका छन् । आमालाई कुटपिट गरेको बेला रोक्न गएको नाती ११ वर्षका भवनाथलाई पनि कुटपिट गरेको छ । सूर्जा महतोको बुहारी सुनैना देवी महतोलाई भुत लगाई दिएको भन्दै महतो परिवारेले कुटपिट गरेको यादवको भनाई छ ।
महतो परिवारकै बुहारी कुसियादेवी महतोको अचानक ज्यान गएको थियो । यो पनि उसैले गरेको आरोप लागाउँदै यादवलाई कुटपिट गरेको हो । इलाका प्रहरी कार्यालय विष्णुपुरका प्रमुख असई शिवनारायण यादवले घाइते महिलाको टाउको र शरिरको विभिन्न भागमा गम्भीर चोट लागेको जानकारी दिएका छन् ।
प्रहरीले पीडकहरु फरार रहेकाले उनीहरुको खोजी भइरहेको जानकारी दिएको छ
source dcnepal