सौतेनी आमाले बोलाएको पार्टीमा सबैको आकर्षण बनिन सारा अलि खान

एजेन्सी । आमा बनेको चार दिनपछि करिना कपुरले गत शनिबार घरमा एउटा पार्टी आयोजना गरिन् । क्रिसमसको उपलक्ष्यमा राखेको सो पार्टीमा कपुर तथा खान परिवारका सदस्य तथा साथीहरुको ठुलै जमघट रह्यो । यद्यपि सबैभन्दा आकर्षणको केन्द्र बनिन् सारा अलि खान ।
सैफ अलि खान र उनकी पहिलो पत्नी अमृता सिंहकी छोरी हुन् सारा । सौतेनी आमाले बोलाएको पार्टीमा उनको निकै चमकदमक थियो । हाइ हिलका साथमा ब्ल्याक टप र पेन्सिल स्कर्ट लगाएकी उनी निकै कल्कलाउँदी देखिएकी थिइन् । आमन्त्रित पाहुनाहरुले सारालाई निकै नोटिस गरे । साराका भाई इब्राहिम अलि खान पनि पार्टीमा थिए । उनीहरुले पार्टीमा खुबै मस्ति गरे ।
साराले छिट्टै नै बलिउडमा इन्ट्री गर्ने तयारी गरिरहेकी छिन् । शाहरुख खानका छोरा आर्यनसँग उनको जोडी बनाएर निर्देशक करण जोहरले नयाँ फिल्म निर्माण गर्न लागेका हुन् । यद्यपि अहिलेसम्म यसको औपचारिक घोाषणा गरिएको छैन ।