यस्तो रहेछ सलमानले क्याट्रिनालाई भड्काउनुको कारण

एजेन्सी- केही समययता बलिउड अभिनेत्री क्याट्रिना कैफ र अभिनेता रणवीर कपुरको ‘ब्रेकअप’ चर्चा झन्डै हराउन थालिसकेको थियो । तर, अब फेरि यो सतहमा आएको छ ।
यसको कारण हो– अप्रिल २०१७ मा रिलिज गर्ने भनिएको फिल्म ‘जग्गा जासुस’ । फिल्ममा रणवीर र क्याट्रिनाको मुख्य भूमिका छ ।
रणवीर यो फिल्मका निर्माता पनि हुन् । तर, फिल्म प्रमोसनमा क्याट्रिना नजाने भएकी छिन् । किनकि, उनी फिल्म ‘टाइगर जिन्दा है’ को सुटिङमा व्यस्त हुँदै छिन् । यसमा क्याट्रिनाले सलमानसँग काम गर्दै छिन् ।
योसँगै क्याट्रिनालाई फिल्मको प्रमोसनमा नजान सलमान खानले भड्काएको हुनसक्ने विश्लेषण बलिउडमा गरिएको छ ।