बर्दियामा आतंक मच्चियो, एकजनाको मृत्यु, गाउँले त्रसित भएपछि सेना परिचालन

बर्दिया, १३ पुस । बर्दियाको पर्सेनीपुरमा जंगली हात्तिको आक्रमणबाट एक जनाको मृत्यु भएको छ । दुई जना गम्भीर घाईते भएका छन । उनीहरुको नेपालगञ्जमा उपचार भैरहेको छ ।
मृत्यु हुनेमा मनाउ गाविस पर्सेनीपुरकी बिमला परियार रहेको प्रहरीले जनाएको छ ।
गएराति गाउँ पसेको तीन वटा हात्ती अहिले पनि गाउँमै रहेकाले स्थानीय त्रसित छन् । बिहानैदेखि नेपाली सेनाका तीनवटा टोली हात्ति नियन्त्रणका लागि परिचलन गरिएपनि नियन्त्रणमा लिन सकेको छैन ।
हात्तिले अहिलेसम्म स्थानीयका झण्डै १५ घर भत्काईदिएको छ भने झण्डै १० वटा गाई, भैंसी, राँगा र गोरु पनि मारिदिएको छ । हात्तीले ध्वंस मच्चाएपछि गाउँलेहरु त्रसित भएका छन् ।