‘रईस’ र ‘काबिल’ आजदेखि सिनेमाघरमा

दर्शकलाई आकर्षित बनाउने केही डाइलगसहित बलिउड सिनेमा बजारको बक्स अफिसमा अपेक्षा गरिएका दुई चलचित्र सुपरस्टार शाहरुख खानको ‘रईस’ र ऋतिक रोशनको ‘काबिल’ सिनेमा घरसम्म पुगेका छन् । 

केही महिना अघिदेखि यी चलचित्र सँगै लाग्ने र दुईबीच प्रतिस्पर्धा हुने कुरा चलेको थियो । भारतीय सञ्चारमाध्यम एबीपी न्युजले शाहरुख खान र ऋरतिक रोशन दुवैले आफ्नो चलचित्रको प्रमोशन जोडदार तरिकाले गरेको लेखेको छ । समाचारमा भनिएको छ, ऋतिकको ‘काबिल’ एक दृष्टिविहीन जोडीको कथामा आधारित छ । शाहरुख खानको चलचित्र ‘रईस’ मा भने शाहरुखले गुजरातका एक ठूला रक्सी व्यापारी रईसको भूमिका निर्वाह गरेका छन् । 

चलचित्र ‘काबिल’मा ऋतिकसँगै यामी गौतम देखिएकी छिन् । यसअघि यामी ‘जुनुनिय’, ‘सनम रे’, ‘बदलापुर’ जस्ता चलचित्रमा आइसकेकी छन् । यता शाहरुखको ‘रईस’ मा पाकिस्तानी कलाकार माहिरा खान देखिएकी छन् । ‘रईस’ बाटै माहिरा बलिडमा डेब्यू गर्दैछिन् । यसबाहेक चलचित्रमा नवाजउद्दीन सिद्दिकी पनि महत्वपूर्ण भूमिकामा छन् । 

ऋतिकको चलचित्र ‘काबिल’ र शाहरुखको चलचित्र ‘रईस’मध्ये बक्स अफिसमा कुन चलचित्रले बाजी मार्न सफल हुने हो, यो हेर्न भने बाँकी नै छ । 

रईसको ट्रेलर

काबिलको ट्रेलर