रोमान्चक जित निकाल्दै टोटनह्याम एफए कपको पाँचौ चरणमा

काठमाडौं । रोमान्चक बनेको खेलमा नाटकीय जित निकाल्दै इंग्लिश प्रिमियर क्लब टोटनह्याम एफए कप फुटबलको पाँचौं चरणमा प्रवेश गरेको छ । शनिबार राति भएको खेलमा विकम्ब वान्डर्रसलाई पराजित गर्दै टोटनह्यामले पाँचौं चरणमा स्थान पक्का गरेको हो ।

घरेलु मैदान व्हाइट हर्ट लेनमा निकै रोमान्चक बनेको खेलमा टोटनह्यामले विकम्ब वान्डर्रसलाई ४–३ ले पराजित गर्यो ।  खेलको ८९ औं मिनेटसम्म ३–२ ले पछि परेपनि अग्रता उल्टाउदै टोटनह्यामले जित निकाल्न सफल भयो ।

खेलको २३ र ३६ औं मिनेटमा पल हेसले गोल गर्दै विकम्बलाई सुरुवाती अग्रता दिलाएका थिए ।
पहिलो हाफ २ – ० ले पछि परेको टोटनह्यामका ६० औं मिनेटमा सन हेउङ–मिनको गोलबाट खेलमा फर्किएको थियो । त्यसलगत्तै ६४ औं मिनेटमा विन्सेन्ट ज्यानसेनले गोल गरेपछि टोटनह्याम खेलमा फर्कियो ।

खेलको ८३ औं मिनेटमा थोम्प्सनले गोल गरेपछि विकम्बले पुन ३–२ को अग्रता लियो ।  तर, खेल सकिन अन्तिम एक मिनेट बाँकी रहदा टोटनह्यामका डेल अलीले गोल गर्दै खेल बराबरीमा ल्याए ।
त्यसपछि खेलको इन्जुरी समयमा कोरियन खेलाडी सनले व्यक्तिगत दोस्रो गोल गरेपछि टोटनह्यामले विकम्बलाई ४–२ ले पराजित गर्यो । र,  पराजयको नजिक पुगेको टोटनह्यामलाई एफए कपको पाँचौ चरणमा पुर्याउन सफल भयो ।