काठमाडौँमा मेट्रो रेलमार्ग

 

काठमाडौँ: सरकारले बजेट भाषणमा महत्वकांक्षी योजना अन्तर्गत काठमाडौँ उपत्यकामा मेट्रो रेल निर्माण गर्ने घोषणा गरेको छ ।

व्यवस्थापिका संसदमा बजेट भाषण गर्दै अर्थमन्त्री विष्णु पौडेलले तत्काल काठमाडौँमा मेट्रो रेल निर्माणको अध्ययन हुने घोषणा गरे ।

पौडेलले पानी जहाज सञ्चालन गर्न आवश्यक कानुनी र संस्थागत व्यवस्था गर्ने समेत घोषणा गरे । सवारी साधनलाई व्यवस्थित गर्न विशेष व्यवस्था गर्ने घोषणा समेत बजेटमा गरिएको छ ।

बजेटमा सरकारले नागढुंगामा सुरुङ निर्माण तत्काल गर्ने घोषणा गरेको छ भने काठमाडौँ वीरगञ्ज रेलमार्गको परियोजना अध्ययन गर्ने समेत घोषणा गरेका छन् ।