एक सातामा ७ सय शरणार्थी डुबेको राष्ट्रसंघको आशंका

शरणार्थी सम्बन्धि राष्ट्रसंघीय उच्च नियोगले गएको एक सातामा मात्रै करिब ७ सय शरणार्थी युरोप प्रवेश गर्ने प्रयासमा समुद्रमा डुबेको हुनसक्ने आशंका व्यक्त गरेको छ । 

यो साता बुधबार, बिहीबार र शुक्रबार युरोप प्रवेश गर्न खोज्ने शरणार्थी बोकेका डुंगाहरु इटलीको दक्षिणी सीमानेर डुबेका थिए । यो सातामात्रै युरोपेली युनियनका जहाजहरुले करिब १३ हजार शरणार्थीको उद्दार गरेको इटालीले जनाएको छ । 

बुधबार समुद्रमा पल्टिएको डुंगामा सवार १ सय जना, बिहीबार पल्टिएको डुंगामा सवार ५ सय ५० जना अहिलेसम्म हराइरहेका छन् । शुक्रबार पल्टिएको डुंगाबाट १ सय ३५ जनाका उद्दार गरिएको, ४५ वटा शव निकालिएको र केही अझै हराइरहेको बताइएको छ ।

-BBC